Patuloy ang pagbabakuna kontra COVID-19 sa mga health workers sa San Jose del Monte, Bulacan. Inaasahang mas maraming pang medical frontliners ang mabibigyang proteksyon laban sa sakit na ito.
Kabilang sa mga binakunahan ngayong araw ang mga kawani ng Rural Health Units, mga Barangay Health Workers (BHWs), at mga kasapi ng Barangay Health Emergency Response Teams (BHERTs), gamit ang bakunang AstraZeneca.
Patuloy ang lokal na pamahalaan at si Mayor Arthur B. Robes sa paghikayat sa publiko na maging kaisa sa programa sa pagbabakuna at kaisa sa pagpapalaganap ng disiplina alinsunod sa minimum health standards.
