Darren Espanto Made History On Birthday Concert At MOA

Gumawa nga si Darren ng isang napakalaking kasaysayan sa MOA Arena dahil siya lamang ang pinakabatang performer na nagkaroon ng pagkakataong magka-concert sa nabanggit na lugar. Sinuportahan ng Darrenatics, ang birthday concert ng idolo nila dahil umalingawngaw sa MOA Arena ang kanilang malakas na tilian.

Hindi matapos-tapos ang pasasalamat ni Darren sa lahat ng mga sumuporta at tumangkilik sa concert niya.

Mainit din ang pagtanggap ng manonood sa nakababatang kapatid na babae ni Darren na nagpakitang-gilas sa pagkanta at pagsayaw.

Siniguro ni Darren na sulit na sulit ang perang ibinayad ng mga manonood ng kanyang birthday concert. Ang naturang concert ay bilang tugon niya sa request ng kanyang fans na makapag-perform siya sa mas malaking venue matapos na hindi nakapasok ang lahat ng gusting manood ng kanyang naunang major solo concert sa Music Museum noon.